प्रमुख समाचारब्रेकिंग न्युजसमाचारस्वास्थ्य

आजै थपिए ६८ कोरोना संक्रमितः संख्या पुग्यो ५८४

0

काठमाडौं । शनिबार मात्रै ६८ जना कोरोनाभाइरस संक्रमित थपिएका छन् । स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डाक्टर बिकास देवकोटाले नेपालमा संक्रमितको संख्या ५ सय ८४ पुगेको जानकारी दिए । राप्ती स्वास्थ्य बिज्ञान प्रतिष्ठानमा भएको परिक्षणमा बाँकेको नरैनापुर मदैरैसामा १७ बर्षदेखि ३२ बर्षसम्मका ६ जना कोरोना संक्रमित भेटिएका छन् । त्यस्तै नरैनापुर ३ मा १५ जना र नरैनापुर १ मा २२ देखि ५० बर्षसम्मका ६ जनामा कोरोना पोजेटिभ देखिएको छ । बर्दिया बडैयातालमा १९ बर्षिय पुरुषमा पनि कोरोना पोजेटिभ देखिएको छ ।

सुर्खेतमा २ पुरुष र एक महिलामा कोरोना पोजेटिभ देखिएको छ । सेती अञ्चल अस्पतालमा बैतडीका ४ जनामा कोरोना पोजेटिभ देखिएको छ । झापा गाउँपालिका झापामा पनि एक जनामा कोरोना संक्रमण देखिएको छ । यस्तै आजै बिहान मन्त्रालयले विज्ञप्तिमार्फत ३२ जनामा कोरोना संक्रमण पुष्टि भएको जानकारी दिएको थियो । यी संक्रमित समेत गरी नेपालमा एकै दिन ६८ जनामा कोरोना देखिएपछि ५ सय ८४ संक्रमित संख्या पुगेको छ ।
कुन प्रदेशमा कति कोरोना संक्रमित भेटिए
प्रदेश १ मा ८६
प्रदेश २ मा १ सय ७२
बाग्मती प्रदेशमा ३२
गण्डकी प्रदेशमा ५
प्रदेश ५ मा २७१
कर्णाली प्रदेशमा ४
सुदुरपश्चिम प्रदेशमा १४
स्वास्थ्य मन्त्रालयका अनुसार आइसुलेसमा यतिबेलासम्म ५ सय ८ जनाको उपचार भइरहेको छ । ७० जना उपचारपछि निको भएर घर फर्किएका छन् । मन्त्रालयको मोवाइल एप्लीकेशन मार्फत हालसम्म ४० हजार ९ सय ७९ जनाले कोरोनाबारे जानकारी लिएका छन् । जसअन्र्तगत ५ जना रेडजोनमा परेका छन् ।

बिनोद चौधरीको चेतावनीः ८० प्रतिशत बैंक तथा वित्तीय संस्था बन्द हुन सक्छन्

Previous article

डिल्लीबजार कारागारमा कैदी बन्दीबीच कुटाकुट, ३ जना घाइते

Next article

You may also like