प्रमुख समाचारब्रेकिंग न्युजराजनीतिसमाचार

लकडाउन थप्न मन्त्रिपरिषद बैठक बस्दै

0

काठमाडौं २४ बैशाख । लकडाउन थप गर्न मन्त्रीपरिषदको बैठक बस्दैछ । सरकारले लागू गरेको लकडाउनको समय भोलि २५ गते सकिँदै छ । त्यसैका लागि मन्त्रिपरिषद् बैठक बस्न लागेको हो । हिजो बसेको कोरोना रोकथाम तथा नियन्त्रण उच्चस्तरीय समन्वय समितिको बैठकले सरकारले गर्दै आएको लकडाउनलाई निरन्तरता दिने निर्णय गरेको थियो । हिजो प्रधानमन्त्री ओली सहितको बैठकपछि प्रधानमन्त्री तथा मन्त्रिपरिषद् कार्यालयका सचिव नारायणप्रसाद बिडारीले आर्थिक, सामाजिक, स्वास्थ्य सुरक्षा र नागरिकको जनजीवनका सवालमा सरकारी निर्णयहरु सही रहेको निष्कर्ष निकाल्दै लकडाउनलाई अझै निरन्तरता दिनुपर्ने विषयमा छलफल भएको जानकारी दिनुभएको थियो । बैठकले अहिलेसम्म सरकारले लिएका नीतिले संक्रमण रोकथाममा सफलता प्राप्त भएको निष्कर्ष निकाल्दै कोरोना संक्रमणलाई रोक्ने र शून्यमा झार्ने प्रयासमा सबै लागिरहने विषयमा छलफल गरेको थियो । विश्वभर फैलिएको कोरोना भाइरसको महामारी नेपालमा पनि देखिएको छ । हालसम्म नेपालमा ८२ जनामा संक्रमण देखिएको छ भने १६ जना निको भएर घर फर्किएका छन् ।

सांसदलाई कोरोना परिक्षण गरेर मात्रै संसद भवनमा प्रबेश

Previous article

स्थायी कमिटि बैठकको एजेण्डा तय गर्दे नेकपा

Next article

You may also like