प्रमुख समाचारब्रेकिंग न्युजराजनीतिसमाचार

लकडाउन १० दिन थपियो, बैशाख २५ गतेसम्म लम्बियो

0

काठमाडौं १४ बैशाख । सरकारले लकडाउन दश दिन लम्ब्याएको छ । बैशाख १५ गते सकिने लकडाउन बढाएर बैशाख २५ गते पुर्याएको हो । आइतबार साँझ प्रधानमन्त्री निवास बालुवाटारमा बसेको मन्त्रीपरिषदको बैठकले लकडाउनको अवधि बैशाख २५ गतेसम्म लम्ब्याउने निर्णय गरेको हो । कोरोना भाइरसको नियन्त्रण तथा रोकथामका लागि सरकारले गत चैत ११ गतेदेखि लकडाउन सुरु गरेको थियो। सरकारले चौथो पटक लकडाउनको अवधि लम्ब्याउने निर्णय गरेको हो। नेपालमा हालसम्म ५२ जना कोरोना संक्रमित भेटिएका छन् भने १६ जना निको भएर फर्किईसकेका छन्। सरकारले जेठ २ गतेसम्म आन्तरिक तथा बाह्य हवाई उडान बन्द गर्ने निर्णय गरिसकेको छ । सरकारले यसभन्दा अघि १५ दिन लकडाउन लम्ब्याएको थियो। बिभिन्न जिल्लामा कोरोना भाइरस संक्रमण बढ्दै गएपछि सरकारले लकडाउन लम्ब्याउनै पर्ने निर्णय गरेको हो ।

बन्यो रुकुमको आठबिसकोटमा दश दिनमा कोरोना अस्पताल

Previous article

सरकारले आन्तरिक ऋण २६ अर्ब ९७ करोड तिर्‍यो

Next article

You may also like