लकडाउन थप कडा बनाइदैं, दुई घण्टामै समातिए २ हजार बढी

काठमाडौं ३ बैशाख । सरकारले चौथो चरणमा थपिएको लकडाउन अझै् कडा गर्ने भएको छ । बिभिन्न ठाउँमा कोरोना संक्रमितको संख्या बढ्दै गएपछि सरकारले लकडाउन थप कडा बनाउने भएको हो । तेस्रो पटक थपिएको ८ दिनको म्याद आज सकिदै छ । तर, सरकारले मंगलबार १२ दिन थप गरेर बैशाख १५ गतेसम्म पुर्याएको छ । लकडाउन लम्ब्याएपनि लकडाउन उलंघन गर्नेको संख्या बढेपछि थप कडाई गर्न लागिएको हो । काठमाडौंमा बुधबार मात्रै दुई घण्टामै दुई हजारबढी उलंघनकर्तालाई प्रहरीले पक्राउ गरेको छ । कामबिना सडकमा निस्कने र लकडाउन आदेशको उलंघन गर्नेलाई सम्बन्धित स्थलमै नियन्त्रणमा लिने र होल्ड गर्ने अभियानलाई प्रहरीले तीव्रता दिएको छ । राजधानी प्रवेश गर्ने सबै संभावित नाकामा सुरक्षा जाँच र गस्तीलाई थप कडा बनाइएको छ । कारवाही स्वरूप ३ घण्टा बाटोमै होल्ड गरिएको छ । खासगरी बिहान बेलुका तरकारी किन्न तथा फ्रेश हुन भन्दै मानिसहरु सडकमा आउने प्रवृत्ति बढेपछि प्रहरीले यस्तो अभियान थालेको हो । उपत्यकाका मुख्य मुख्य चोक कोटेश्वर, जडिबुटी, जगाती, बल्खु, बानेश्वर, कालिमाटी, कलंकी, गौशाला, चाबहिल लगायतबाट लकडाउन उलंघन गर्ने समातिएका हुन्। अन्य दिनमा दिनभरमा हजारदेखि १५ सय समातिने गरेका थिए । उपत्यकामा अहिले तिनवटै सुरक्षा निकायका १५ हजार बढी सुरक्षाकर्मी परिचालन भएका छन्।

थप समाचार

बहुमतका आधारमा प्रतिनिधिसभाको उम्मेद्वार सिफारिस गर्दा रुकुमपश्चिमको कांग्रेसमा खैलाबैला !

उपाध्यक्ष देवराज लामालाई श्रम संस्कृति पार्टीले गर्‍यो निलम्बन

एडीबीले नेपाललाई १४ अर्ब ५९ करोड बराबर ऋण दिने

संसद् विघटनविरुद्ध कांग्रेसको रिटमा कारण देखाऊ आदेश

एमाले महाधिवेशन–मतदान प्रक्रिया स्थगित, भोलि बिहान ८ बजेबाट हुने

रवीन्द्र मिश्र आफ्नै निर्वाचन क्षेत्रमा उपेक्षित