देश/दुनियाँप्रमुख समाचारब्रेकिंग न्युजराजनीतिसमाचार

प्रतिनिधिसभाको बैठक बस्दै, राजीनामा नदिने उपसभामुख तुम्बाहाङ्फेको अडान

0

काठमाडौं २७ पुस । प्रतिनिधिसभाको बैठक आइतबार बस्दैछ । सत्तारुढ नेपाल कम्युनिष्ट पार्टी नेकपाले सभामुखको उम्मेदवार टुंगो नलगाएपनि बैठक बस्न लागेको हो । दिउँसो १ बजेका लागि बोलाइएको बैठकले सभामुख निर्वाचनको कार्यतालिका गराउने तयारी छ । अन्योलका कारण बैठकको सम्भावित कार्यसूची नै बन्न सकेको छैन् । नेकपा सचिवालयको हिजो बसेको बैठकले उपसभामुख शिवमाया तुम्बाहाङ्फेलाई राजीनामा गर्न लगाउने निर्णय गरेपनि सभामुखमा कसलाई उठाउने भन्नेबारे निर्णय गर्न सकेन । अध्यक्ष केपी शर्मा ओली संसदीय दलका उपनेता एवम् पूर्व सभामुख सुवास नेम्बाङलाई सभामुख बनाउने पक्षमा छन् भने अर्का अध्यक्ष पुष्पकमल दाहाल स्थायी समिति सदस्य अग्नी सापकोटालाई सभामुख बनाउने अडानमा छन । सभामुख उम्मेदवारको टुंगो नलागेको र उपसभामुखको राजीनामा पनि आइनसकेका कारण सभामुख निर्वाचनको कार्यतालिका बन्न सकेको छैन । यही अन्योलताका कारण गत पुस १५ गतेका लागि बोलाइएको बैठक सूचना टाँसेर स्थगित गरिएको थियो ।

बालाजु औद्योगिक क्षेत्रमा अध्यक्ष र महाप्रवन्धकबीच कुटाकुट

Previous article

२ सय ९८ औं पृथ्वी जयन्ती मनाइदैं

Next article

You may also like