प्रमुख समाचारब्रेकिंग न्युजराजनीतिसमाचार

कांग्रेस सभापति देउवाले जिल्ला सभापतिलाई दिए चियापानको निम्तो

0

काठमाडौं २४ पुस । नेपाली कांग्रेसका सभापति शेरबहादुर देउवाले काठमाडौंमा उपलब्ध जिल्ला सभापतिहरुलाई आफ्नो निवासमा चियापानका लागि बोलाएका छन् । सभापति देउवाले बिहिबार बुढानिलकण्ठमा भेट्न बोलाएका हुन् । बरिष्ठ नेता रामचन्द्र पौडेल र महामन्त्री डक्टर शशांक कोइरालाले पुस ११ गतेको केन्द्रीय कार्य समितिको बैठकको निर्णयप्रति असहमति जनाउँदै परामर्शका लागि भन्दै काठमाडौंमा जिल्ला सभापतिको भेला बोलाएका थिए । सोही भेलाका सहभागीहरूलाई सभापति देउवाले पनि भेट्न बोलाएका हुन् । उनीहरुसँग छलफल र दिवाभोज एक साथ गर्ने देउवाको तयारी छ । पार्टी कार्यालय सानेपामा तीन दिनसम्म चलेको भेला बुधबार सकिएको थियो । भेलापछि जिल्ला सभापतिले बरिष्ठ नेता पौडेल र सभापति देउवालाई आफ्ना सुझाव बुझाउने कार्यक्रम रहेको छ ।

भ्रमण बर्षमा कति आउलान पर्यटक

Previous article

इरानले अमेरिकाको रौं समेत झार्न नसक्ने अमेरिकी राष्ट्रपति ट्रम्पको जिकिर

Next article

You may also like