देश/दुनियाँप्रमुख समाचारब्रेकिंग न्युजसमाचार

किन नेपाललाई दिइएको उपविजेता पदक खोसियो

0

काठमाडौं १२ साउन । सिंगापुरमा नेपाललाई दिइएको उपविजेता पदक खोसिएको छ । आयोजकले सुरुमा नेपाललाई उपविजेता घोषणा गर्दै सबै खेलाडीलाई मेडल लगाइदिएको थियो । सुरुमा अविनाश बोहोरा गए, त्यसपछि कप्तान पारस खड्का । अरुले पालैपालो उपविजेताको मेडल पनि लगाएका थिए । त्यसपछि विजेता सिंगापुरका खेलाडीहरुलाई मेडल दिइयो । सिंगापुरका खेलाडीहरुले ट्रफी उचाले । जब नेपाललाई उपविजेताको ट्रफी दिने बेला आयो, नेपाली खेलाडीहरुले घाँटीमा लगाएको मेडल पनि खोसियो । सिंगापुरमा नेपाली क्रिकेट टिमले दोहोरो पीडा भोग्नु परेको छ । आयोजक सिंगापुरसँग ८२ रनले हारेपछि नेपाल टी–२० विश्वकपको ग्लोबल छनोटमा पूग्न सकेन । यो नेपाली टोलीका लागि ठूलो झड्का थियो । समान ४–४ अंक भएपनि कतार रन रेटका आधारमा अगाडि रहेकाले नेपाल तेस्रो भएको घोषणा गरियो । नेपाली खेलाडीहरुको मेडल टिम म्यानेजर रमन सिवाकोटीले एकमुष्ट फिर्ता गरेका छन् ।प्रतियोगिताको उपविजेता कतार नै हो । तर सुरुमा हतारमा नेपाललाई उपविजेता घोषणा गर्दै खेलाडीलाई मेडल लगाउनु आयोजकको गल्ती थियो । आयोजकले गल्ती विश्वकपको ग्लोबल छनोटमा पुग्न नसकेको पीडामा रहेका नेपाली खेलाडीहरुलाई आलो घाउमा नुनचुक छरे जस्तै सावित भएको छ ।

एनसेल कार्यालयमा बम विष्फोट गराउने मुख्य योजनाकार पक्राउ

Previous article

अस्ट्रेलियामा दुर्घटनामा परी दुई नेपालीको मृत्यु, तीन घाइते

Next article

You may also like