देश/दुनियाँप्रमुख समाचारब्रेकिंग न्युज

बलात्कार गर्ने प्रहरीलाई कारवाहीको माग

0

नवलपरासी ६ जेठ । पश्चिम नवलपरासीको सुनवलमा रहेको दङ्गा नियन्त्रण प्रहरी कार्यालयमा कार्यरत प्रहरीले एक किशोरीलाई बलात्कार गरेको आरोप लागेको छ । स्थानीयले बलात्कार गर्ने दोषी प्रहरीद्वयलाई कारवाहीको माग राख्दै प्रर्दशन गर्न थालेपछि यस्तो घटना बाहिर आएको हो । एक महीनाअघि प्रहरीद्वयले स्थानीय एक १७ वर्षीया किशोरी र २६ वर्षीया युवतीलाई बलात्कार गरेको आरोपसहितको घटना बाहिर आएपछि बलात्कारजस्तो घृणित तथा अपराधजन्य कार्य गरेकाले दोषीलाई हदैसम्मको कारवाही माग राखेका छन् । बलात्कार गरेको अभियोगमा जिल्ला प्रहरी कार्यालय पश्चिम नवलपरासीले दुईजना प्रहरी जवानमाथि कारवाही प्रक्रिया अघि बढाएको छ । प्रहरी जवानलाई सम्बन्धित कार्यालयले निलम्बन गरेपछि अनुसन्धान गरी मुद्दा प्रक्रिया अघि बढाइएको हो । निलम्बन पर्नेमा दङ्गा नियन्त्रण प्रहरी कार्यालयमा कार्यरत प्रहरी जवानद्वय डडेल्धुरा, मास्माण्डु गाउँपालिका–८ का २५ वर्षीय प्रेम खड्का र दाङ गडवा गाउँपालिका–४ का २३ वर्षीय पाटेश्वर यादव छन् । उनीहरु दुवैलाई जबर्जस्ती करणीमा मुद्दा प्रक्रिया अघि बढाइएको छ । गत वैशाख १ गते गण नजिकैको जङ्गलमा घाँस काट्न गएका एक किशोरी र एक युवतीमाथि प्रहरी जवानद्वयले बलात्कार गरेको आरोप छ ।

गुगलले हुवाईसँग सम्बन्ध तोड्यो

Previous article

लिवियाबाट १५ नेपालीको उद्धार, स्वदेश फर्काउने तयारी

Next article

You may also like