प्रमुख समाचारब्रेकिंग न्युजराजनीति

अमेरिकाबाट फर्किए प्रचण्ड, नेपालीको देश र नेताप्रति नकारात्मक सोच रहेछ

0

काठमाडौं १४ चैत । सत्तारुढ दल नेकपाका अध्यक्ष एवं पूर्व प्रधानमन्त्री पुष्पकमल दाहालले अमेरिकाबाट फर्किएका छन् । पत्नी सीताको उपचारका लागि अमेरिका गएका प्रचण्ड स्वदेश फर्किएका हुन् । त्रिभुवन अन्तराष्टिय बिमानस्थलमा अध्यक्ष प्रचण्डले सञ्चारकर्मीसँग कुरा गर्दे अमेरिकामा रहेका केही नेपालीले देशलाई नकारात्मक भावले हेरेको बताए । उनले नेपालका प्रधानमन्त्री, राष्ट्रपतिलगायतका उच्च नेतृत्वप्रति नकारात्मक भावले हेर्ने केही नेपाली रहेको टिप्पणी गरे ।

अध्यक्ष प्रचण्डले आफूमाथि मेरिल्याण्ड अदालतमा उजुरी परे पनि कुनै अप्रिय नभएको र नेपाली दुतावासले केही हुन नदिने व्यवस्था गरेको बताए । उनले पत्नीको अमेरिकास्थित तीन वटा अस्पतालमा उपचार गराएको र चिकित्सकले दिएको औषधिले सकारात्मक प्रभाव पारेको जानकारी दिए । उनले त्यसका अतिरिक्त अमेरिकास्थित नेता, कार्यकर्ता र नेपाली बुद्धिजीविसँग छलफल गरेको बताए । यस अवसरमा उनले वासिंगटन र मेरिल्याण्ड राज्यका सांसद र जनप्रतिनिधिसँग भेट गरेका थिए । अध्यक्ष दाहाल गत चैत्र ३ गते आइतबार पत्नीको स्वास्थ्य उपचारका लागि अमेरिका गएका थिए । दाहाल पत्नी सिता पार्किन्सन्स जस्तो एक प्रकारको जटिल रोगले पीडित छन् ।

भारतीय विदेश सचिवले भेटे प्रधानमन्त्री ओलीलाई

Previous article

शिक्षामन्त्रीको राजीनामा मागे मुख्यमन्त्री राउतले, मुख्यमन्त्री कार्यालय घेराउ

Next article

You may also like