प्रमुख समाचारब्रेकिंग न्युजराजनीतिसमाचार

परिमार्जित राष्ट्रिय सुरक्षा नीति प्रधानमन्त्रीलाई बुझाइयो

0

काठमाडौं २० फागुन । राष्ट्रिय सुरक्षा नीति परिमार्जनका लागि गठित समितिले ‘परिमार्जित राष्ट्रिय सुरक्षा नीति–२०७५’ प्रधानमन्त्री केपी शर्मा ओलीलाई बुझाएको छ । राष्ट्रिय सुरक्षा नीति परिमार्जनका लागि गठित समितिका संयोजक उपप्रधानमन्त्री एवम् रक्षामन्त्री ईश्वर पोखरेलले ‘परिमार्जित राष्ट्रिय सुरक्षा नीति–२०७५’ प्रधानमन्त्री ओलीलाई बालुवाटारमा बुझाएका हुन् ।

प्रधानमन्त्री निवास बालुवाटारमा सोमबार बुझाइएको परिमार्जित राष्ट्रिय सुरक्षा नीतिमा राष्ट्रिय सुरक्षाका पछिल्ला चुनौति र त्यसलाई सम्बोधन गर्न आवश्यक नीतिका बारेमा आवश्यक सुझाव उल्लेख गरिएको छ ।

सरकारले राष्ट्रिय तथा अन्तराष्ट्रिय परिस्थितिलाई समेत ध्यानमा राखेर राष्ट्रिय सुरक्षा नीति परिमार्जनका लागि आवश्यक सुझाव दिन उपप्रधानमन्त्री पोखरेल संयोजक रहेको एक समिति गत असोज १ गते गठन गरेको थियो । सोही समितिले राष्ट्रिय सुरक्षा परिषदका अध्यक्ष समेत रहेका प्रधानमन्त्री ओलीको निर्देशनमा रही सो नीति परिमार्जनसहित तयार गरेको हो । २०७३ सालमा बनेको राष्ट्रिय सुरक्षा नीतिलाई समायानुकूल बनाउन प्रधानमन्त्री ओलीले सो नीतिलाई परिमार्जन गर्न लागेका हुन् । उपप्रधानमन्त्री पोखरेल नेतृत्वको समितिले तयार पारेको परिमार्जित सो सुरक्षा नीतिमा सुरक्षासम्बन्धि राष्ट्रिय दृष्टिकोण पनि समावेश गरिएको छ ।

परिमार्जित नीति मुलुकको राष्ट्रिय सुरक्षालाई सुदृढ, सहज र गतिशील बनाउने उद्देश्यका साथ तयार पारिएको पनि दावी गरिएको छ । समितिले प्रधानमन्त्री ओलीलाई बुझाएको सो परिमार्जित नीति राष्ट्रिय सुरक्षा परिषदले अनुमोदन गरेपछि मन्त्रीपरिषदबाट पारित हुने र कार्यान्वयनमा आउनेछ ।

शिक्षकको आन्दोलनमा अश्रुग्यास प्रहार

Previous article

प्रधानमन्त्री इमरान खानले भने म नोबेल पुरस्कारका लागि योग्य छैन

Next article

You may also like